સુરત9 મિનિટ પેહલા
- કૉપી લિંક
સુરત : પીપલોદ પોલીસ લાઈનની એક બિલ્ડીંગમાં 7માં માળે લીફ્ટ ખોટકાતા મહિલા ફસાઈ ગઈ હતી. બનાવની જાણ થતા ફાયરબ્રિગેડ ઘટના સ્થળે દોડી જઇ સ્પ્રેડરની મદદથી લીફ્ટનો દરવાજો ખોલી મહિલાને સહિસલામત રેસ્ક્યુ કરી લીધી હતી.
પીપલોદ પોલીસ લાઈનમાં બી બિલ્ડીંગમાં રહેતા મીનાબેન રાઠવા(32)બુધવારે સવારે લીફ્ટમાં નીચે ઉતરતા હતા. ત્યારે અચાનક 7માં માળે લીફ્ટ ખોટકાઈ જતા તેઓ લીફ્ટમાં ફસાઈ ગયા હતા. મીનાબેને બુમાબુમ કરતા બિલ્ડીંગના રહીશો દોડી આવ્યા હતા અને લીફ્ટનો દરવાજો ખોલવાનો પ્રયાસ કર્યો હતો. પરંતુ સફળ ન થતા આખરે ફાયરબ્રિગેડને જાણ કરવામાં આવી હતી. બનાવની જાણ થતા ફાયર ઓફિસર અક્ષય પટેલ અને તેમની ટીમ ઘટના સ્થળે દોડી ગઈ હતી અને સ્પ્રેડરની મદદથી લીફ્ટનો દરવાજો ખોલી મીનાબેનને રેસ્ક્યુ કરી સહી સલામત બહાર કાઢી લીધા હતા.
.