The car driver hit and killed a laboring old man | કાર ચાલકે શ્રમજીવી વૃદ્ધને અડફેટે લઇ મોત નિપજાવ્યું

પ્રતિકાત્મક તસ્વીર

બુધેલ નજીક કારના ચાલકે શ્રમજીવી વૃદ્ધને અડફેટે લઇ ગંભીર ઇજા પહોંચાડી હતી. ગંભીર હાલતે વૃદ્ધને ભાવનગર સર.ટી. હોસ્પિટલ ખાતે ખસેડાયા હતા જ્યાં તેનું મોત નિપજ્યું હતું. બુધેલ પંચાયત ઓફીસની પાસે રહેતા રાજકુમારભાઇ ગૌતમ પોતાની શાકભાજીની લારી લઇ પોતાના ઘર તરફ જઇ રહ્યા હતા તે વેળાએ બુધેલ સિદ્ધીવિનાયક હોટલ પાસેથી નિકળેલી કારના ડ્રાઇવરે કાર પૂરપાટ ઝડપે ચલાવી રાજકુમાર ગૌતમ તથા તેની શાકભાજીની લારીને અડફેટે લઇ ગંભીર ઇજા પહોંચાડી અજાણ્યો કારનો ચાલક નાસી છુટ્યો હતો.

​​​​​​​બાદમાં રાજકુમાર ગૌતમના પુત્ર શિવકુમારએ તાત્કાલિક એમ્બ્યુલન્સમાં રાજકુમારભાઇ ગૌતમને ભાવનગર સર.ટી. હોસ્પિટલ ખાતે ખસેડાયા હતા જ્યાં ટુંકી સારવાર બાદ તેનું મોત નિપજતા શ્રમજીવી પરિવારમાં ભારે શોકની લાગણી છવાઇ ગઇ હતી. ઘટના બાદ વરતેજ પોલીસે ઘટના સ્થળે જઇ તપાસ હાથ ધરી અજાણ્યા કારના ચાલક વિરુદ્ધ ફરિયાદ નોંધી કારના ચાલકને શોધવા ચક્રોગતિમાન કર્યા હતા.