Presentation to the representative of the Teachers’ Union on the issue of Old Pension Scheme | જૂની પેન્શન યોજના મુદ્દેે શિક્ષક સંઘના પ્રતિનિધિને રજૂઆત

પાટણ ખાતે મળેલી સરસ્વતી તાલુકા ઉચ્ચ પ્રાથમિક શિક્ષકોની ચિંતન બેઠકમાં જૂની પેન્શન યોજના સહિતના પ્રશ્નો બાબતે ચિંતન કરવામાં આવ્યું હતું.

સરસ્વતી તાલુકાના ઉચ્ચ પ્રાથમિક શિક્ષકોની પાટણ ખાતે આવેલા જગન્નાથ મંદિર હોલમાં ચિંતન બેઠક મળી હતી. મોટી સંખ્યામાં શિક્ષક ભાઈ-બહેનોએ શિક્ષક જુની પેન્શન યોજના સહિતના અન્ય પ્રશ્નોને લઈને ઉચ્ચ પ્રાથમિક શિક્ષકોએ શિક્ષક સંઘના રાજ્ય પ્રતિનિધિ નિલેશભાઈ પટેલ અને તાલુકા પ્રમુખ ચિરાગભાઈ પટેલને લેખિત આવેદન આપ્યું હતું. સંગઠનના બંને પ્રતિનિધિઓએ પણ જિલ્લા તેમજ રાજ્ય કક્ષાએ રજૂઆત કરવાની ખાતરી આપી હતી. તમામ ઉચ્ચ પ્રાથમિક શિક્ષકોએ આ પ્રશ્નોને હલ કરવા માટે સંગઠનમાં રહીને આવનારા સમયમાં મજબૂત પ્રતિનિધિત્વ કરવાનો તેમજ જુની પેન્શન યોજના જેવા પ્રાણપ્રશ્નો માટે સંગઠિત થતા રહેવાનો નિર્ણય કર્યો હતો.