છોટા ઉદેપુર30 મિનિટ પેહલા
- કૉપી લિંક
છોટા ઉદેપુરમાં છેલ્લા થોડાક સમયથી દેશી હાથ બનાવટના હથિયારો ઝડપાઈ રહ્યા છે. એક અઠવાડિયા અગાઉ એલ.સી.બી. એ પાનવડ પોલીસ મથકની હદમાં એક દેશી હાથ બનાવટની પિસ્તોલ સાથે એક ઇસમને ઝડપી પાડ્યો હતો. ત્યારે જિલ્લા એલ.સી.બી.ના PI વીનોદ એસ.ગાવિતને બાતમી મળી હતી કે, ઘેલવાંટ જવાના રોડ પર એક ઈસમ દેશી હાથ બનાવટની માઉઝર પિસ્તોલ ગેરકાયદેસર રીતે સંતાડી રાખેલ છે.
બાતમી મળતા જ જિલ્લા LCBની ટીમ બાતમીવાળી જગ્યાએ જઈ મોઈન ઇલમુદ્દીન ગોહિલ, રહે. નટવરપૂરા, છોટા ઉદેપુરને ઝડપી પાડી તેની અંગ ઝડતી કરતા તેની પાસેથી એક દેશી હાથ બનાવટની માઉઝર પિસ્તોલ મળી આવી હતી. તેની પૂછપરછ કરતાં તેની પાસે લાયસન્સ પરવાના અંગે આધાર પુરાવા માંગતા મળી આવ્યા ન હતા. જેને લઇને જિલ્લા એલ.સી.બી.એ મોઈન ઇલમુદ્દીન ગોહિલ સામે આર્મ્સ એક્ટ કલમ ૨૫(૧)(બી)(એ) મુજબ અટક કરી કાર્યવાહી હાથ ધરી છે.