Not only in learning, but also in teaching, ladies first, women competing with men for permanent faculty positions in higher education institutions, the coming time G…Ma’am | ભણવામાં જ નહીં, ભણાવવામાં પણ લેડીસ ફર્સ્ટ, ઉચ્ચ શિક્ષણ સંસ્થાઓમાં કાયમી ફેકલ્ટીના હોદ્દા પર મહિલાઓની પુરુષોને ટક્કર, આવનારો સમય જી…મેડમનો

ભારતનું ઉજ્જવળ ભવિષ્ય સુનિશ્ચિત કરવામાં નારીશક્તિનું સામર્થ્ય ભારતની અમૂલ્ય તાકાત છે. ત્યારે છેલ્લાં કેટલાંક વર્ષોમાં ભારતે મહિલા સશક્તીકરણ માટે જે કંઈપણ કામ કર્યું છે, એનાં પરિણામો હવે આપણને જોવા મળી રહ્યાં છે. હાલમાં ઉચ્ચ શિક્ષણ સંસ્થાઓમાં કાયમી ફેકલ્ટીના હોદ્દા પર મહિલાઓની સંખ્યામાં 61.3 ટકાનો વધારો થયો છે. સરકારના આંકડા પરથી એવું કહી શકાય કે આવનારા સમયમાં ભારતમાં વિષય ડૉકટરેટ નિષ્ણાતોમાં મહિલાઓ પોતાનું આધિપત્ય જમાવી દેશે.

દરેક ક્ષેત્રમાં મહિલાઓનો ડંકો
છેલ્લાં 9-10 વર્ષમાં હાઇસ્કૂલ અથવા એનાથી આગળ અભ્યાસ કરનારી છોકરીઓની સંખ્યામાં ત્રણ ગણો વધારો થયો છે. ભારતમાં વિજ્ઞાન, ટેક્નોલોજી, એન્જિનિયરિંગ અને ગણિતમાં છોકરીઓની પ્રવેશ નોંધણી આજે 43 ટકા સુધી પહોંચી ગઇ છે અને આ આંકડો સમૃદ્ધ દેશોની સરખામણીમાં સૌથી વધુ છે, પછી ભલે એમાં અમેરિકા, યુકે, જર્મની જેવા દેશો હોય. એવી જ રીતે તબીબીક્ષેત્ર હોય કે રમતગમતનું ક્ષેત્ર, વ્યવસાય હોય કે રાજકીય પ્રવૃત્તિ હોય, ભારતમાં મહિલાઓની ભાગીદારીમાં માત્ર વધારો થયો છે એવું નથી, પરંતુ તેઓ દરેક ક્ષેત્રમાં આગળ વધીને નેતૃત્વ કરી રહી છે. આજે ભારતમાં એવાં ઘણાં ક્ષેત્રો છે, જેમાં નારીશક્તિનું સામર્થ્ય જોવા મળી રહ્યું છે.

કેન્દ્રીય શિક્ષણમંત્રી ધર્મેન્દ્ર પ્રધાન.

શિક્ષણક્ષેત્રે મહિલા સશક્તીકરણ

ગુજરાત યુનિ.ના પહેલાં મહિલા કુલપતિ ડૉ.નીરજા ગુપ્તા અને GTUનાં પ્રથમ મહિલા કુલપતિ ડૉ.રાજુલ ગજ્જર.

ગુજરાતની બે ખ્યાતનામ યુનિવર્સિટીમાં મહિલા કુલપતિ

રાજ્યની સૌથી મોટી ગુજરાત યુનિવર્સિટીનાં પહેલાં મહિલા કુલપતિ તરીકે ડૉ. નીરજા ગુપ્તાની પસંદગી અને ગુજરાત ટેક્નોલોજી યુનિવર્સિટીનાં પ્રથમ મહિલા કુલપતિ પદે ડૉ. રાજુલ ગજ્જરની નિમણૂકે રાજ્ય સરકારના મહિલા સશક્તીકરણના અભિગમને સ્પષ્ટ કરી દીધો છે. નવી શિક્ષણનીતિના અમલીકરણ અંતર્ગત ગુજરાત સરકારે હવે અંતિમ તબક્કાની કવાયત હાથ ધરી છે. જે મુજબ ગુજરાત કોમન યુનિવર્સિટી બીલ જાહેર કર્યું છે, જેમાં જણાવ્યું છે કે યુનિવર્સિટીના સત્તામંડળોમાં બોર્ડ ઓફ મેનેજમેન્ટ, એક્ઝિક્યુટિવ કાઉન્સિલ અને એકેડેમી આ ત્રણેય સત્તામંડળમાં વાઇસ-ચાન્સેલર દ્વારા નામાંકિત થનારા કુલ સભ્યોની ઓછામાં ઓછી 33% સભ્યો મહિલા રાખવાની રહેશે.

શું છે AISHE ?

શિક્ષણક્ષેત્રે ઉચ્ચ હોદ્દા પર મહિલા
ઓલ ઈન્ડિયા સરવે ઓન હાયર એજ્યુકેશનના સરવે મુજબ મહિલાઓ હાલમાં ઉચ્ચ શૈક્ષણિક સંસ્થાઓમાં કુલપતિ, પ્રોફેસર અને સમકક્ષ, રીડર અને એસોસિયેટ, લેક્ચરર અથવા સહાયક પ્રોફેસર અને ડેમોન્સ્ટ્રેટરની પોસ્ટ પર કાર્યરત છે.