A young man cut his life short by dropping himself from the building of Siddhapur Tirupati Market, the cause of suicide remains unknown. | સિદ્ધપુર તિરૂપતિ માર્કેટની બિલ્ડીંગ ઉપરથી યુવકે પડતું મૂકી જિંદગી ટૂંકાવી, આત્મહત્યાનું કારણ અકબંધ

સિધ્ધપુરના તિરુપતિ માર્કેટ બિલ્ડીંગના ત્રીજા માળેથી 30 વર્ષીય એક યુવકે સોમવારે અગમ્ય કારણસર છલાંગ લગાવી આત્મહત્યા કરી લેતા ચકચાર મચી હતી.

સિદ્ધપુર તિરૂપતિ માર્કેટમાં સોમવારે બપોરના સમયે નવા બસ ડેપો પાસે રહેતો આશરે 30 વર્ષીય યુવક વિનુભાઈ બાબુભાઈ ઠાકોરે તિરૂપતિ માર્કેટની બિલ્ડીંગના છેક ત્રીજા માળેથી છલાંગ લગાવીને આપઘાત કર્યો હતો. છલાંગ લગાવતા જ માથા ના ભાગે ગંભીર ઇજા થતા ઘટના સ્થળે જ યુવક નુ મોત નીપજ્યું હતુ.

આપઘાત બાદ સમગ્ર માર્કેટ મા ચકચાર મચી જવા પામી હતી. યુવકે આપઘાત કરતા ઘટના સ્થળે લોકોની ભીડ એકઠી થઈ ગયી હતી અને સિદ્ધપુર પોલીસ દ્વારા મૃત યુવક ની લાશને પોસમોર્ટમ અર્થે સિવિલ હોસ્પિટલ ખાતે લવાયો હતો.