A container full of foreign cigarettes worth crores of rupees was found instead of an auto air freshener at Mundra port. | મુન્દ્રા બંદર પરથી ઓટો એર ફ્રેશનરના સ્થાને કરોડો રૂપિયાની વિદેશી સિગારેટનો જથ્થો ભરેલુ કન્ટેનર મળી આવ્યું

મુન્દ્રા બંદર પરથી વધુ એક વખત વિદેશી સિગારેટનો જથ્થો જપ્ત કરવામાં આવ્યો હોવાનું સામે આવ્યું છે. ચોક્કસ બાતમીના આધારે, DRI અમદાવાદના અધિકારીઓએ બંદર પર આયાત માલસામાનને અટકાવ્યો હતો. કન્સાઇનમેન્ટને “ઓટો એર ફ્રેશનર” તરીકે જાહેર કરવામાં આવ્યું હતું અને તેને જેબેલ અલી પોર્ટ પરથી મોકલવામાં આવ્યું હતું.

જપ્ત કરાયેલા માલસામાનની વિગતવાર તપાસ દરમિયાન, અધિકારીઓએ નોંધ્યું હતું કે, કન્ટેનરમાં 1લી પંક્તિના પેકેજો ઘોષિત માલના હતા એટલે કે “ઓટો એર ફ્રેશનર”. ના હતા, જો કે, જણાવેલી 1લી પંક્તિની પાછળ, તમામ પેકેજોમાં વિદેશી મૂળની સિગારેટ “ગોલ્ડ ફ્લેક્સ” હતી. આમાંની મોટાભાગની વિદેશી મૂળની સિગારેટ પર “મેડ ઈન તુર્કી”ના નિશાન હતા. તે મુજબ પંચનામાની કાર્યવાહી હેઠળ કુલ 32.5 લાખની લાકડીઓ જપ્ત કરવામાં આવી હતી. જપ્ત કરાયેલી સિગારેટની કિંમત અંદાજે રૂ. 6.5 કરોડ આંકવામાં આવી છે.

આ અંગે DRI તરફથી જાહેર કરાયેલી યાદી મુજબ જપ્ત કરાયેલી સિગારેટના કેટલાક પેકેટો પર “મેડ ઈન ઈન્ડિયા” લખેલું હતું. જે નકલી સિગારેટ અથવા તેવી જ રીતે આયાત કરવાના પ્રયાસની શક્યતા રહેલી જણાઈ આવે છે. જે ઓળખવા માટે ક્ષેત્રના નિષ્ણાતોના સંપર્કમાં રહેલા અધિકારીઓ આ જપ્તી DRI માટે માટે મોટી સફળતા હોવાનું દર્શાવવામાં આવ્યું છે. ભારતમાં વિદેશી સિગારેટની દાણચોરી પર તેની નોંધપાત્ર અસર પડવાની શક્યતા દર્શાવી તપાસ એજન્સી દ્વારા દર્શાવવામાં આવી હતી. આ વિશે એજન્સી દ્વારા આગની તપાસ ચાલુમાં હોવાનું જણાવાયું હતું. ઉલ્લેખનિય છે કે, આ પૂર્વે મુન્દ્રા પોર્ટ અને કન્ટેનર સ્ટેશન પરથી ડ્યુટી ચોરી અંતર્ગત વિવિધ માલ સામગ્રી જપ્ત કરવામાં આવી છે.