મહેસાણા24 મિનિટ પેહલા
- કૉપી લિંક
- લાંઘણજ અને ઉનાવા પોલીસની રેડ, ઐઠોરમાં મહેસાણાનો જુગારી છૂ
મહેસાણા બી ડિવિઝન પોલીસે બીકે રોડ પર જોયસ હબટાઉનના એ બ્લોકના ભોંયરામાં પાર્કિંગના સ્થળે રવિવારે બપોરે જુગાર રમાતો હોવાની બાતમી મળતાં રેડ કરી મહેસાણાના ચંદ્રકાન્ત રમેશભાઇ પટેલ (પ્રાર્થનાવિહાર સોસાયટી, રાધનપુર રોડ), ભાવીન મહેન્દ્રભાઇ પટેલ (પાટીદારનગર સોસાયટી, ધોબીઘાટ) અને રોશન અશ્વિનકુમાર પટેલ (સનવિલા બંગ્લોઝ, વિસનગર લીંક રોડ) તેમજ સ્મીત ચંદ્રકાન્ત પટેલ (અર્બુદા નગર સોસાયટી, ધરોઇ કોલોની રોડ, વિસનગર) સહિત ચારેય શખ્સોને રૂ.14,900ની રોકડ રકમ સાથે પકડી લીધા હતા.
લાંઘણજ પોલીસે મહેસાણાના મંડાલીમાં જૂની નિરમા વસાહતમાં શનિવારે રાત્રે સ્ટ્રીટલાઇટના અજવાળે જુગાર રમાતો હોવાની બાતમી મળતાં રેડ કરી મંડાલીના સુરેશ સોમાભાઇ ઠાકોર, જીગ્નેશ કરશનજી ઠાકોર, મનોજ શંકરભાઇ કટારા, મનીષ ત્રિભોવનભાઇ ચૌહાણ, શૈલેષ જગદીશભાઇ શ્રીમાળી, અમૃતજી મણાજી ઠાકોર, શૈલેષજી લાભુજી ઠાકોર અને અજીતજી વિક્રમજી ઠાકોર સહિત આઠ શખ્સોને રૂ.3050ની રોકડ સાથે પકડી લીધા હતા.
ઉનાવા પોલીસે શનિવારે ઐઠોરમાં ચૌધરીવાસ જતાં નાકામાં ચોરામાં જુગારના સ્થળે રેડ કરી ગામના વનરાજજી ઇશ્વરજી ઠાકોર, ઇશ્વરજી મેરાજી ઠાકોર, હરેશ સોમાભાઇ પરમાર અને ચંદ્રકાંત ભરતભાઇ નાઇ સહિત ચાર જણાને રૂ.2290ની રોકડ સાથે પકડી લીધા હતા. પોલીસને જોઇ અંધારાનો લાભ લઇ મહેસાણાની અલ્કાપુરી સોસાયટીમાં રહેતો દિનેશ ડાહ્યાભાઇ નાઇ નાસી ગયો હતો.
.