શંખેશ્વરના ફતેગંજમાં ઘર પાસે ગાય બેસી જતા એક શખ્સે પગમાં ધારિયું મારી ઈજા પહોંચાડી, ગાયના માલિકે ફરિયાદ નોંધાવી | In Fateganj of Shankeshwar, a man injured my leg while sitting a cow near the house, the owner of the cow filed a complaint.

શંખેશ્વર તાલુકાનાં ફત્તેગંજ ગામમાં એક ગાયને ગામનાં એક વ્યક્તિએ પગનાં ભાગે ધારીયું મારતાં ગાયનાં માલિક તેને કહેવા જતાં તેને ધમકી આપી હતી.

આ અંગેની વિગતો એવી છે કે, શંખેશ્વરનાં ફત્તેગંજમાં રહેતા મેહુલજી જીવાજી ઠાકોર તેમની ગાયને ખેતરમાં ચારવા લઇ ગયેલા ને ગાયને ખેતરમાં મુકીને ઘેર આવ્યા હતા ને પાછા ખેતરે જતાં હતા ત્યારે તેમની ગાય ગામના શિવમંદિર પાસે વડ નીચે બેઠી હતી. ગાયને કોઇ અજાણ્યા વ્યક્તિએ ધારીયું માર્યું હોવાથી લોહી નિકળતું હોવાનું જણાતાં તેમણે પશુ ડોક્ટરનો સંપર્ક કર્યો હતો. તેમણે ગાયની સારવાર કરી હતી ને ગાયને ઘેર લઇ ગયા હતા. તેમને જાણવા મળેલ કે, ગામનાં નરસંગજીએ ગાયને ધારીયું માર્યુ છે. તેથી તેઓ તેનાં ઘેર જઇને ગાયને ધારીયું કેમ માર્યુ છે ? તેમ પૂછતાં તેણે કહેલ કે, તારી ગાય મારા ઘરની આગળનાં ભાગે ઉભી હતી. એટલે મારી છે. હવે પછી તે મારા ઘર પાસે તારી ગાય આવવી ન જોઇએ તેમ કહીને તેને ધમકી આપી હતી. આ બનાવ અંગે તેમણે ફરીયાદ નોંધાવી હતી.