નવસારીમાં ઇનાર્ચ કન્સલટન્સીની ઓફિસમાં આગ લાગતા દોડધામ મચી, 5 લાખથી વધુનું નુકસાનનું તારણ, જાનહાની ટળતા રાહત | Fire broke out in the office of Inarch Consultancy in Navsari, loss of more than 5 lakhs was found, relief from loss of life

નવસારી પાસે આવેલી ઇનાર્ચ કન્સલટન્સીની ઓફિસમાં આગ ભભૂકી ઉઠી હતી. જેને પગલે ફાયર વિભાગની ટીમને જાણ કરવામાં આવી હતી. જેથી કોલ મળતા તાત્કાલિક ફાયરની ટીમ ઘટના સ્થળે પહોંચી પાણીનો મારો ચલાવી આગ પર કાબુ મેળવ્યો હતો. આ ઘટનામાં કોઈ જાન હાની થઈ ન હતી. જેથી તમામ લોકોએ રાહત અનુભવી હતી.

નવસારીના લુન્સિકુઈ નજીક ઈનાર્ચ કન્સલટન્સીની ઓફિસમાં આગ લાગતા દોડધામ મચી હતી. જોત જોતામાં આગે વિકરાળ રૂપ ધારણ કરતા નવસારી ફાયર બ્રિગેડની ટીમને જાણ કરવામાં આવી હતી. જેથી ફાયર વિભાગના જવાનોએ મોરચો સભળ્યો હતો. પાણીનો મારો ચલાવી આગ પર કાબૂ મેળવ્યો હતો. ફાયરની ટીમે તાત્કાલીક આગ પર કાબુ મેળવાતા મોટી દુર્ઘટના ટળી હતી. પ્રાથમિક તબક્કે ડિઝાઈનીંગ મશીનમાં શોર્ટ સર્કિટના કારણે આગ લાગી હોવાનું તારણ સામે આવ્યું હતું. આગની ઘટનામાં અંદાજે 5 લાખથી વધુનું નુકસાનનું તારણ કાઢવામાં આવ્યું હતું. ઘટનાની જાણ થતા ટાઉન પોલીસ ઘટના સ્થળે પહોંચી હતી. તેમજ ટ્રાફિક જામ દૂર કર્યો હતો.