ઘોડાસરના સ્મૃતિ મંદિર રોડની પાણીની ટાંકી પાસેનો બનાવ, ગેસ સપ્લાય બંધ કરી આગ કાબૂમાં લેવાઈ | The incident near the water tank of Smriti Mandir Road in Ghodasar, the fire was brought under control by stopping the gas supply

અમદાવાદના ઘોડાસર વિસ્તારમાં સ્મૃતિ મંદિર રોડ પર પાણીની ટાંકી પાસે આવેલા શ્રીજી બંગલો નજીક અદાણી ગેસની પાઇપલાઇનમાં લીકેજ થયું હતું. જેના કારણે આગ લાગી હતી.

ગેસની પાઇપલાઇનમાં લીકેજ થયું
આગ લાગતાની સાથે જ મોટો ભડકો થયો તો રોડ ઉપર અવર-જવર કરતા લોકો ઉભા રહી ગયા હતા અને ફાયર બ્રિગેડને જાણ કરી હતી. ફાયરબ્રિગેડની ટીમ તાત્કાલિક ઘટના સ્થળે પહોંચી હતી અને આગને કાબૂમાં લેવાના પ્રયત્નો શરૂ કર્યા હતા. અદાણી ગેસના કર્મચારીઓને પણ જાણ કરવામાં આવતા તાત્કાલિક તેઓ પહોંચ્યા હતા અને ગેસ સપ્લાય બંધ કરી દીધો હતો. જેના કારણે આગ કાબુમાં આવી ગઈ હતી.

ફાયર બ્રિગેડે આગને કાબુમાં લીધી
સમગ્ર ઘટનામાં કોઈપણ પ્રકારની જાનહાનિ થઈ નથી. ઇસનપુર વોર્ડના કોર્પોરેટર શંકરભાઈ ચૌધરી પણ તાત્કાલિક ઘટના સ્થળે પહોંચ્યા હતા. તેઓ જણાવ્યું હતું કે આજે રાત્રે કોઈ કારણોસર ગેસમાં લીકેજ થતા આગ લાગી છે હાલમાં આગ કાબુમાં આવી ગઈ છે અને કોઈ પણ પ્રકારનું નુકસાન થયું નથી.