કચ્છ (ભુજ )22 મિનિટ પેહલા
- કૉપી લિંક
ભુજ વિસ્તારમાં બુધવાર રાત્રે માલવાહક ટ્રકમાં આગ લાગવાની ઘટના બની હતી તો આગ લાગવાની વધુ એક ઘટના તાલુકાના સેડાતા નજીક જાહેર માર્ગ પરના ઉકરડામાં બની હતી. બપોરનાં સમયે આગનો બનાવ સામે આવતા સ્થાનિક લોકોએ તુરંત તંત્રને જાણ કરી હતી, જેના પગલે ભુજ સુધરાઇ હસ્તકના ફાયર કન્ટ્રોલ વિભાગ દ્વારા તાત્કાલિક ઘટનાસ્થળે દોડી જઇ ફાયર ફાઇટરની મદદ વડે આગ પર પાણીનો મારો ચલાવ્યો હતો અને આગને ગણતરીના સમયમાં કાબૂમાં લીધી હતી. સદભાગ્યે આ ઘટનાથી કોઈને નુકશાન પહોંચ્યું ના હતું.
આ અંગે ફાયર વિભાગ તરફથી જાહેર કરાયેલી વિગતો મુજબ બપોરે 2:00 વાગે ઘટનાની જાણ થતાં ભુજના સેડાતા રોડ, શિશુકુંજ સ્કૂલની બાજુમાં, બાવળની જાડી પાસે કચરાના ઢગલામાં આગ લાગી હતી. જેના પગલે ફાયર શાખાની ટીમ તત્કાલિક ઘટના સ્થળે પહોંચી આગને બુજાવી હતી. આ કાર્યવાહીમાં ફાયર બ્રિગેડનાં DCO- રવિરાજ ગઢવી, ફાયરમેન- વિનોદ રબારી, ઈમ્તિયાઝ ખલીફા તથા મતિયા કમલેશ આગ બુજાવવાની કામગીરીમાં જોડાયા હતા.